Ժամանակը Երևանում՝ 11:07:36,   29 Հունիս 2022

Երևանի Ֆրանսիայի հրապարակի վրաններից մեկում մահացած տղամարդը ոչ մի առնչություն չի ունեցել ոստիկանների հետ. պարզաբանում

Երևանի Ֆրանսիայի հրապարակի վրաններից մեկում մահացած տղամարդը ոչ մի 
առնչություն չի ունեցել ոստիկանների հետ. պարզաբանում

ԵՐԵՎԱՆ, 10 ՄԱՅԻՍԻ, ԱՐՄԵՆՊՐԵՍ: Երևանի Ֆրանսիայի հրապարակի վրաններից մեկում մահացած տղամարդը ոչ մի առնչություն չի ունեցել ոստիկանների հետ, նա մահացել է սուր սրտային անբավարարությունից՝ բնական և սինթետիկ կաննաբինոիդների և բենզոդիազեպինների խառնուրդով սուր թունավորման հետևանքով։ «Արմենպրես»-ի հաղորդմամբ՝ այս մասին պարզաբանմամբ տեղեկացրել է ՀՀ ոստիկանությունը։

«Հիշեցնենք, որ օրեր առաջ Ֆրանսիայի հրապարակում դժբախտ դեպք էր տեղի ունեցել։ Լրատվամիջոցներից մեկը, անդրադառնալով դեպքին, նշել էր, որ վրաններից մեկում մահացած տղամարդը օրեր առաջ խնդիր էր ունեցել ոստիկանների հետ: Արդեն հայտնել ենք, որ նա ոչ մի առնչություն չի ունեցել ոստիկանների հետ, ինչպես և ակցիաների օրերին բերման չի ենթարկվել: Նաև կոչ էինք արել դժբախտ դեպքը չդարձնել շահարկումների առարկա։

Տեղեկացնենք, որ տղամարդու դիակից վերցված արյան նմուշի դատաքիմիական ուսումնասիրությամբ հայտնաբերվել են բնական և սինթետիկ կաննաբինոիդների խառնուրդ, բենզոդիազեպիններին պատկանող միացություններ։ Մահը վրա է հասել սուր սրտային անբավարարությունից՝ բնական և սինթետիկ կաննաբինոիդների և բենզոդիազեպինների խառնուրդով սուր թունավորման հետևանքով»,- ասվում է պարզաբանման մեջ։








youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]