Ադրբեջանի և Բուլղարիայի միջև մի շարք փաստաթղթեր են ստորագրվել
ԵՐԵՎԱՆ, 8 ՄԱՅԻՍԻ, ԱՐՄԵՆՊՐԵՍ: Մայիսի 8-ին Ադրբեջանի նախագահ Իլհամ Ալիևի և Բուլղարիայի Հանրապետության նախագահ Ռումեն Ռադևի մասնակցությամբ տեղի է ունեցել ադրբեջանա-բուլղարական փաստաթղթերի ստորագրման արարողություն։
Այս մասին, ինչպես հաղորդում է «Արմենպրես»-ը, հայտնում են ադրբեջանական ԶԼՄ-ները:
Ադրբեջանի և Բուլղարիայի Հանրապետության միջև ռազմավարական գործընկերության ամրապնդման մասին համատեղ հռչակագիրը ստորագրել են նախագահներ Իլհամ Ալիևը և Ռումեն Ռադևը։
«Ադրբեջանական «Հավա Յոլլարը» փակ բաժնետիրական ընկերության և Bulgaria Air Joint Stock Company-ի միջև կոդերի փոխանակման պայմանագիրը ստորագրվել է Ադրբեջանի թվային զարգացման և տրանսպորտի փոխնախարար Էլմին Մամեդովի և Բուլղարիայի Bulgaria Air ավիաընկերության խորհրդի անդամ Խրիստո Տոֆորովի կողմից:
«Ադրբեջանի թվային զարգացման և տրանսպորտի նախարարության և Բուլղարիայի Հանրապետության նորարարության և զարգացման նախարարության միջև ստորագրվել է «տեխնոլոգիական նորարարության ոլորտում համագործակցության մասին փոխըմբռնման հուշագիր»:
Փոխըմբռնման հուշագիր է ստորագրվել նաև Ադրբեջանի պետական նավթային ընկերության և բուլղարական Asarel Investment-ի միջև:
Բաժանորդագրվեք մեր ալիքին Telegram-ում