Մերձդնեստրում իրավիճակը չի խանգարի Մոլդովային անդամակցել ԵՄ-ին. Մակրոն
20:46, 15 Հունիս 2022
ԵՐԵՎԱՆ, 15 ՀՈՒՆԻՍԻ,ԱՐՄԵՆՊՐԵՍ: Ֆրանսիայի նախագահ Էմանուել Մակրոնը կարծում է, որ Մերձդնեստրում ստեղծված իրավիճակը չի կարող խանգարել Մոլդովայի ինտեգրմանը Եվրամիությանը, և դրա կարգավորումը ԵՄ-ին երկրի անդամակցության նախապայման չէ։ «Մեխանիկական գործընթացը սկսելու համար անարդար կլինի ասել, որ այն կարգելափակվի ստեղծված իրավիճակի պատճառով, մենք պետք է միասին լուծում գտնենք, սակայն դա նախապայման չէ մուտքի համար»,- ասել է Մակրոնը Քիշնևում կայացած մամուլի ասուլիսում՝ պատասխանելով այն հարցին, թե արդյոք Մերձդնեստրի չլուծված հարցը կարող է խանգարել Մոլդովային անդամակցել ԵՄ-ին, հաղորդում է «Արմենպրես»-ը՝ վկայակոչելով ՌԻԱ Նովոստին:
Բաժանորդագրվեք մեր ալիքին Telegram-ում