Շոլցը, Մակրոնը եւ Դրագին ուղեւորվում են Կիեւ. Repubblica
ԵՐԵՎԱՆ, 16 ՀՈՒՆԻՍԻ, ԱՐՄԵՆՊՐԵՍ: Գերմանիայի կանցլեր Օլաֆ Շոլցը, Ֆրանսիայի նախագահ Էմանուել Մակրոնը եւ Իտալիայի վարչապետ Մարիո Դրագին ուղեւորվում են Ուկրաինա: Ինչպես հունիսի 16-ին հաղորդում Է La Repubblica թերթը, երեք եվրոպացի ղեկավարները մեկնում են գնացքով, ենթադրաբար, Լեհաստանի սահմանից դեպի Կիեւ, տեղեկացնում Է «Արմենպրես»-ը:
Հրատարակությունը հրապարկել Է լուսանկար, որտեղ Դրագին, Շոլցը եւ Մակրոնը ոչ պաշտոնական իրավիճակում վագոնում նստած են սեղանի շուրջը: La Repubblica-ն նշում Է, որ ուղեւորությունը տեղի Է ունենում անվտանգության բարձր միջոցների պահպանմամբ: Ժամանումն Ուկրաինայի մայրաքաղաք պլանավորված Է հունիսի 16-ի առավոտյան:
«Ուկրերկաթուղու» գործարկուն ճշտել Է, որ եվրոպացի ղեկավարները գնում են ուկրաինական դիվանագիտական գնացքով:
Հունիսի 15-ին Բլումբերգ գործակալությունը, վկայակոչելով աղբյուրներ, հայտնել Է, որ պլանավորված Է Կիեւում հանդիպում Ուրաինայի ղեկավար Վլադիմիր Զելենսկու հետ: «Ստամպա» թերթը նաեւ հայտնել Է, որ բացառված Է այցն Օդեսա:
Պաշտոնական հավաստում չի ստացվել Եվրոպայի դիվանատներից ոչ մեկից անվտանգության նկատառումներով: Այնուամենայնիվ գնացքում գտնվում են իտալացի լրագրողներ: ԱՆՍԱ գործակալությունը հաղորդում Է, որ նախօրյակին երեկոյան մեկնումից անմիջապես հետո ղեկավարներն անցկացրել են հանդիպում, որը տեւել Է շուրջ երկու ժամ, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում