Շիրակի մարզպետարանում քննարկվել է համայնքների կադաստրային քարտեզներում հայտնաբերված սխալների ուղղման կարգը
18:09, 19 Հուլիս 2022
ԵՐԵՎԱՆ, 19 ՀՈՒԼԻՍԻ, ԱՐՄԵՆՊՐԵՍ: Շիրակի մարզպետարանում հուլիսի 19-ին տեղի է ունեցել խորհրդակցություն՝ Շիրակի մարզպետի տեղակալ Կարեն Մանուկյանի և ՀՀ կադաստրի կոմիտեի ղեկավարի տեղակալ Արամ Գուգարացի ղեկավարությամբ։
Ինչպես «Արմենպրես»-ին տեղեկացրին ՀՀ Շիրակի մարզպետարանից, մարզի համայնքների ղեկավարների, համայնքապետարանների համապատասխան բաժինների պատասխանատուների ու մասնագետների հետ քննարկվել է կադաստրային քարտեզներում հայտնաբերված սխալների ուղղման կարգը, Շիրակի մարզի համայնքների ուղղված (ճշգրտված) կադաստրային քարտեզների վերաբերյալ տեղեկատվությունն ու անդրադարձ է կատարվել արդեն փոփոխված քարտեզներին և դրանցից պատասխանատուների օգտվելու անհրաժեշտությանը։
Բաժանորդագրվեք մեր ալիքին Telegram-ում