ԵՐԵՎԱՆ, 24 ՕԳՈՍՏՈՍԻ, ԱՐՄԵՆՊՐԵՍ: Ադրբեջանի նախագահ Իլհամ Ալիևը և Ղազախստանի նախագահ Կասիմ-ժոմարտ Տոկաևը Բաքվում տեղի ունեցած հանդիպման ժամանակ քննարկել են ղազախա-ադրբեջանական ռազմավարական գործընկերության առանցքային հարցերը՝ հատուկ ուշադրություն դարձնելով քաղաքական, առևտրատնտեսական, տրանսպորտային, տարանցիկ, մշակութային և հումանիտար համագործակցության ամրապնդմանը։

Այս մասին, ինչպես հաղորդում է «Արմենպրես»-ը, հայտնում են ադրբեջանական ԶԼՄ-ները:

Բանակցությունների արդյունքում երկու պետությունների ղեկավարները մի շարք փաստաթղթեր են ստորագրել:

1. Ստորագրվել է հռչակագիր Ղազախստանի Հանրապետության և Ադրբեջանի Հանրապետության միջև ռազմավարական հարաբերությունների ամրապնդման և դաշնակցային փոխգործակցության խորացման մասին:
2. Ղազախստանի Հանրապետության և Ադրբեջանի Հանրապետության միջև համագործակցության զարգացման համապարփակ ծրագիր 2022-2026 թթ.:
3. Համաձայնագիր Ղազախստանի Հանրապետության կառավարության և Ադրբեջանի Հանրապետության կառավարության միջև առևտրատնտեսական համագործակցության մասին:
4. Ղազախստանի Հանրապետության արտաքին գործերի նախարարության և Ադրբեջանի Հանրապետության արտաքին գործերի նախարարության միջև համագործակցության մասին 2023-2024 թթ.:
5. Ղազախստանի Հանրապետության մշակույթի և սպորտի նախարարության և Ադրբեջանի մշակույթի նախարարության միջև մշակութային համագործակցության ծրագիր 2022-2025 թթ.:
6. Թուրքեստան և Շուշի քաղաքների միջև քույր քաղաքների հարաբերություններ հաստատելու մասին արձանագրություն:
7. Փոխըմբռնման հուշագիր Ղազախստանի Հանրապետության տեղեկատվության և սոցիալական զարգացման նախարարության և Ադրբեջանի ԶԼՄ-ների զարգացման գործակալության միջև:
8. Թուրքեստան և Շուշի քաղաքների միջև քույր քաղաքների հարաբերություններ հաստատելու մասին արձանագրություն:
9. Փոխըմբռնման հուշագիր Ղազախստանի Հանրապետության տեղեկատվության և սոցիալական զարգացման նախարարության և Ադրբեջանի ԶԼՄ-ների զարգացման գործակալության միջև:
10. Փոխըմբռնման հուշագիր Ղազախստանի Հանրապետության թվային զարգացման, նորարարության և օդատիեզերական արդյունաբերության նախարարության և Ադրբեջանի Հանրապետության թվային զարգացման և տրանսպորտի նախարարության միջև տեղեկատվական և հաղորդակցական տեխնոլոգիաների ոլորտում համագործակցության վերաբերյալ:

11. Փոխըմբռնման հուշագիր Ղազախստանի Հանրապետության արդյունաբերության և ենթակառուցվածքների զարգացման նախարարության և Ադրբեջանի թվային զարգացման և տրանսպորտի նախարարության միջև տրանսպորտի ոլորտում համագործակցության վերաբերյալ։
12. Փոխըմբռնման հուշագիր Ղազախստանի Հանրապետության արդյունաբերության և ենթակառուցվածքների զարգացման նախարարության և Ադրբեջանի թվային զարգացման և տրանսպորտի նախարարության միջև տարանցիկ բեռնափոխադրումների ոլորտում համագործակցության մասին: