Երևանում՝ 11:07,   23 Մայիս 2024

Ռուսաստանի և Իսրայելի ԱԳ նախարարները քննարկել են իրավիճակը Մերձավոր Արևելքում և Հյուսիսային Աֆրիկայում

Ռուսաստանի և Իսրայելի ԱԳ նախարարները քննարկել են իրավիճակը Մերձավոր 
Արևելքում և Հյուսիսային Աֆրիկայում

ԵՐԵՎԱՆ, 3 ՀՈՒՆՎԱՐԻ, ԱՐՄԵՆՊՐԵՍ: Ռուսաստանի Դաշնության արտաքին գործերի նախարար Սերգեյ Լավրովը հունվարի 3-ին հեռախոսազրույց է ունեցել Իսրայելի արտաքին գործերի նախարար Էլի Կոհենի հետ։ «Արմենպրես»-ի փոխանցմամբ՝ այս մասին հայտնել է ՌԴ արտաքին գործերի նախարարությունը:

Ռուսաստանի ԱԳ նախարարը շնորհավորել է իր իսրայելացի գործընկերոջը պաշտոնը ստանձնելու կապակցությամբ և պատրաստակամություն հայտնել համատեղ աշխատել՝ ի նպաստ Ռուսաստանի և Իսրայելի միջև փոխշահավետ համագործակցության ամրապնդման։

ԱԳ նախարարները քննարկել են երկկողմ օրակարգի արդիական հարցեր՝ ընդգծելով առևտրատնտեսական համագործակցության ներուժի ամրապնդման կարևորությունը։

Նախարարները քննարկել են իրավիճակը Մերձավոր Արևելքում և Հյուսիսային Աֆրիկայում։ Լավրովը վերահաստատել է Ռուսաստանի դիրքորոշումը՝ Սիրիայում իրավիճակը քաղաքական և դիվանագիտական ​​մեթոդներով կարգավորելու օգտին՝ հարգելով նրա ինքնիշխանությունն ու տարածքային ամբողջականությունը:


Բաժանորդագրվեք մեր ալիքին Telegram-ում






youtube

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ contact@armenpress.am