Երևանում՝ 11:07,   2 Մարտ 2024

Վրաստանը մեկ տարում շուրջ 1 մլրդ դոլար կկորցնի առանց ռուս զբոսաշրջիկների. Կոբախիձե

Վրաստանը մեկ տարում շուրջ 1 մլրդ դոլար կկորցնի առանց ռուս զբոսաշրջիկների. 
Կոբախիձե

ԵՐԵՎԱՆ, 1 ՕԳՈՍՏՈՍԻ, ԱՐՄԵՆՊՐԵՍ: Վրաստանի տնտեսությունը տարեկան մինչև մեկ միլիարդ դոլար կկորցնի Ռուսաստանից զբոսաշրջիկների մուտքի լիակատար արգելքի դեպքում: «Արմենպրես»-ի փոխանցմամբ՝ այս մասին հայտարարել է երկրում իշխող «Վրացական երազանք» կուսակցության ղեկավար Իրակլի Կոբախիձեն։

«Դուք տեսե՞լ եք հայտարարություններն այն մասին, որ ռուս զբոսաշրջիկներն ընդհանրապես չպետք է ժամանեն այստեղ։ Չգիտեմ՝ որևէ մեկը համաձա՞յն է սրա հետ: Վստահ եմ՝ ոչ ոք համաձայն չէ սրա հետ։ Օրինակ՝ եթե ռուս զբոսաշրջիկները չգան Վրաստան, ապա մեկ տարում երկիրը կկորցնի շուրջ 1 միլիարդ դոլար, երբ մեր տնտեսությունը կազմում է 30 միլիարդ դոլար: Դա նշանակում է, որ կկորցնենք 20-30 հազար աշխատատեղ», - Կոբախիձեի խոսքերն է մեջբերում Sputnik գործակալության վրացական ծառայությունը։

Հուլիսի 27-ին վրացական ընդդիմությունն ակցիա էր կազմակերպել Բաթումիի նավահանգստի մերձակայքում՝ դժգոհություն հայտնելով ռուսաստանցիների տեղափոխող Astoria Grande նավի մուտքից։ Astoria Grande-ն երկրորդ անգամ Բաթումիի նավահանգիստ էր մուտք գործել հուլիսի 31-ին: Այս անգամ ևս ցույց էր կազմակերպվել:

Ընդդիմությունը նավի մուտքը համարում է միջազգային պատժամիջոցների շրջանցում, թեև իշխանությունները հայտարարել են, որ նավը, որն ընթանում է Պալաուի դրոշի ներքո, սահմանափակումների ենթակա չէ։ Sputnik-ը նշում է, որ Վրաստանի իշխանությունները տեղի ունեցած միջադեպերն անվանում են ընդդիմադիրների կողմից մտածված սադրանք:


Բաժանորդագրվեք մեր ալիքին Telegram-ում






youtube

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]