Երևանում՝ 11:07,   27 Փետրվար 2024

Գերմանիան հրաժարվել է ՆԱՏՕ-ի ռազմական ծախսերի ծրագրից

Գերմանիան հրաժարվել է ՆԱՏՕ-ի ռազմական ծախսերի ծրագրից

ԵՐԵՎԱՆ, 16 ՕԳՈՍՏՈՍԻ, ԱՐՄԵՆՊՐԵՍ։ Գերմանիայում հրաժարվել են ՆԱՏՕ-ի պլանից՝ ՀՆԱ-ի երկու տոկոսի չափով տարեկան ռազմական ծախսեր իրականացնելու վերաբերյալ։ Այդ մասին տեղեկացնում է «Արմենպրես»-ը՝ վկայակոչելով «Lenta.ru»-ն։

Ռազմական բյուջեի մասին օրենքի նախագծից հանվել է Գերմանիայի պարտավորություններին առնչվող կետը։ Այդուհանդերձ, նշվում է, որ Գերմանիան կկարողանա հավատարիմ մնալ առաջիկա հինգ տարիների համար նախանշված ցուցանիշներին հասնելու իր պարտավորություններին։

Նման որոշումները հակադրվում են Գերմանիայի կանցլեր Օլաֆ Շոլցի նախկին հայտարարություններին, ով խոսում էր տարեկան ՀՆԱ-ի երկու տոկոսից ավելին պաշտպանության ոլորտում ներդնելու պլանների մասին: Միևնույն ժամանակ, ՆԱՏՕ-ի դաշնակիցները բազմիցս քննադատել են Գերմանիային՝ ստանձնած պարտավորությունների հարցում թերանալու համար:

Ավելի վաղ հայտնի էր դարձել, որ Գերմանիան բյուջեով միջոցներ է հատկացրել առաջիկա մի քանի տարիների ընթացքում Կիևին օգնելու համար։ Գերմանիայի ֆինանսների նախարար Քրիստիան Լինդների խոսքով՝ Բեռլինի ընդհանուր օգնությունը, ներառյալ ուկրաինացի փախստականներին տեղավորելու և նրանց խնամքի ծախսերը, կազմում է 22 միլիարդ եվրո։


Բաժանորդագրվեք մեր ալիքին Telegram-ում






youtube

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]