«Ակունքներ» նախագծի շարունակներում Գյումրիում համերգով հանդես կգա Վարդան Բադալյանը
18:14, 21 Մարտ 2024
ԵՐԵՎԱՆ, 21 ՄԱՐՏ, ԱՐՄԵՆՊՐԵՍ։ Հայաստանի Հանրապետության կրթության գիտության մշակույթի և սպորտի նախարարությունը և Գյումրու ժողովրդական գործիքների պետական նվագախումբը համատեղ կշարունակեն «Ակունքներ» նախագիծը։
«Արմենպրես»-ի փոխանցմամբ՝ ԿԳՄՍ նախարարությունից հայտնում են, որ ծրագրի շրջանակում մարտի 22-ին կայանալու է առաջին համերգը. Գյումրիի ժողովրդական գործիքների պետական նվագախմբի հետ հանդես կգա երգիչ Վարդան Բադալյանը։
Նախագծի նպատակն է ազգային ոչ նյութական մշակույթի պահպանումը, հանրայնացումն ու սերունդներին փոխանցումը։
Բաժանորդագրվեք մեր ալիքին Telegram-ում