Մատենադարանի ղեկավարությունը Հնդկաստանի ազգային արխիվների տնօրենի հետ քննարկել է համագործակցության հնարավորությունները
11:50, 30 Մարտ 2024
ԵՐԵՎԱՆ, 30 ՄԱՐՏԻ, ԱՐՄԵՆՊՐԵՍ: Մաշտոցյան Մատենադարան է այցելել Հնդկաստանի ազգային արխիվների տնօրեն Սանջայ Գարգը:
«Արմենպրես»-ի հաղորդմամբ՝ ինչպես տեղեկացնում են Մատենադարանից՝ Մատենադարանի տնօրենի տեղակալ Վահե Թորոսյանի ուղեկցությամբ Սանջայ Գարգն այցելել է Արխիվի և Թվայնացման բաժիններ:
Հնդկաստանի արխիվների տնօրենի հետ Մատենադարանի ղեկավարությունը քննարկել է հետագա համագործակցության հնարավորությունները, մասնավորաբար՝ ձեռագրերի և արխիվային վավերագրերի ուսումնասիրման, վերականգնման և թվայնացման ոլորտներում:
Բաժանորդագրվեք մեր ալիքին Telegram-ում