Սեւ արջի հետ հանդիպումից հետո հրաշքով փրկված նետաձիգը դարձել Է սոցցանցերի հերոսը
16:28, 26 Մայիս 2017
ԵՐԵՎԱՆ, 26 ՄԱՅԻՍԻ, ԱՐՄԵՆՊՐԵՍ: Սեւ արջի հետ հանդիպումից հետո հրաշքով ողջ մնացած կանադացի որսորդ Ռիչարդ Ուեսլին դարձել Է սոցցանցերի հերոսը: Տեսահոլովակը հրապարակված Է նրա YouTube-ալիքում, տեղեկացնում Է «Արմենպրես»-ը:
Տեսագրության մեջ, որը չորս օրում հավաքել Է 1,3 միլիոնից ավելի դիտում եւ բազմաթիվ հիացական մեկնաբանություններ, նետ ու աղեղով զինված Ուեսլին որս Է անում Օնտարիոյի նահանգի (Կանադա) Ֆայեր Ռիվերի շրջանում: Նա նկատում Է սեւ արջին, որը հանկարծ հայտնվում Է բլրակի հետեւից:
Չնայած այն բանին, որ Ուեսլին պատրաստվել Էր գազանի հարձակմանը, նետահարել չի հասցնում. կենդանին որսորդին տապալում Է գետին: Այնուամենայնիվ, տղամարդուն հաջողվում Է փախչել գիշատչից: «Անկեղծորեն ուրախ եմ, որ դա ճակատագրական դեպք չԷր»,- նշել Է նա տեսահոլովակի նկարագրության մեջ:
Բաժանորդագրվեք մեր ալիքին Telegram-ում