Հակոբյանը և Սարգսյանը շախմատի «Աշխարհի պատանի աստղեր» միջազգային մրցաշարի առաջատարներից են
10:55, 25 Մայիս 2018
ԵՐԵՎԱՆ, 25 ՄԱՅԻՍԻ, ԱՐՄԵՆՊՐԵՍ: Ռուսաստանի Կիրիշի քաղաքում ընթացող «Աշխարհի պատանի աստղեր» միջազգային մրցաշարի 9-րդ տուրից հետո Հայաստանի ներկայացուցիչները շարունակում են մնալ առաջատարների շարքում:
«Արմենպրես»-ի հաղորդմամբ` կայացած 9-րդ տուրում Արամ Հակոբյանը հաղթել է Դմիտրի Կուզնեցովին, Շանթ Սարգսյանը` Արսենի Նեստերովին: Մամիկոն Ղարիբյանը ոչ-ոքի է խաղացել Պաուլյուս Պուլտինևիչուսի հետ:
Այս տուրից հետո Հակոբյանը և Սարգսյանն ունեն 6,5-ական միավոր և մնում են առաջատարների շարքում:
Մրցաշարը բաղկացած է 11 տուրից և կավարտվի մայիսի 26-ին:
Բաժանորդագրվեք մեր ալիքին Telegram-ում