Ֆրանսիայում վախճանվել է գրող-ֆեմինիստուհի Բենուատ Գրուն
ԵՐԵՎԱՆ, 21 ՀՈՒՆԻՍԻ, ԱՐՄԵՆՊՐԵՍ: 96 տարեկան հասակում ֆրանսիական Ռիվիերայի ափի պրովանսալյան Յեր առողջարանային քաղաքում վախճանվել Է ֆրանսիացի գրող եւ լրագրողուհի Բենուատ Գրուն, որը երկրորդ ալիքի առաջատար ֆեմինիստուհիներից մեկն Էր, տեղեկացնում Է «Արմենպրես»-ը՝ հղում անելով BBC-ին:
Գրուն հասարակական ակտիվությունը պահպանում Էր մինչեւ կյանքի վերջը՝ հանդես գալով սոցիալական սուր հարցերի շուրջ: Այս տարվա մարտին Գրուն դարձել Է Պատվո լեգեոնի շքանշանի մեծ ասպետ:
«Այդ մեծագույն կինը բացել Է դեպի հեղափոխություն տանող ուղին. նրա ստեղծագործությունները վիճարկում Էին տղամարդկանց գերիշխանությունը հանրային դիսկուրսի բոլոր ձեւերում՝ քաղաքականից մինչեւ գրական»,-նշել Է Ֆրանսիայի կրթության նախարար Նաժա Բելկասեմը՝ հարգանքի տուրք մատուցելով հանգուցյալին:
1975 թվականին փարիզուհին հասարակական լայն քննարկումներ առաջացրեց կանանց իրավունքներին նվիրված իր «Կեցցե նա» Էսսեով: Գրական աշխարհում Գրուն հռչակվել Է «Իրերի դերը» եւ «Ժամանակի երեք քառորդը» վեպերով: 2008 թվականին նա գրել Է «Իմ փախուստը» ինքնակենսագրական գործը:
Նրա կենսագրությանը նվիրված են մի քանի ֆիլմեր, ինչպես նաեւ կոմիքս, որը թողարկվել Է 2013 թվականին:
Լուսանկարը` AFP
Բաժանորդագրվեք մեր ալիքին Telegram-ում