ԵՐԵՎԱՆ, 7 ԴԵԿՏԵՄԲԵՐԻ, ԱՐՄԵՆՊՐԵՍ: Ադրբեջանական բանկերի կողմից դոլարի վաճառքը դադարեցնելուց հետո լուրջ իրարանցում է առաջացել նաեւ սեւ շուկայում: Այս մասին, ինչպես հաղորդում է «Արմենպրես»-ը, հայտնում է ադրբեջանական azadliq.info լրատվական գործակալությունը:

Դեկտեմբերի 7-ին դոլարի վաճառքը դադարեցվել է նաեւ Ադրբեջանի սեւ շուկայում:

Երկրում դոլարի վաճառքի կասեցումը առաջ է բերել նոր խնդիրներ, որոնցից ամենամեծը արտասահմանից ներկրումներ կատարող գործարարների առջեւ ծառացած խնդիրներն են, քանի որ դրսի հետ առեւտուրը նրանք իրականացնում են արտարժույթով:

Դեկտեմբերի 7-ին Ադրբեջանում դոլար-մանաթ պաշտոնական փոխարժեքը կազմել է 17, 369 մանաթ:

Նախորդ մեկ ամսվա կտրվածքով Ադրբեջանի սեւ շուկայում դոլար-մանաթ փոխարժեքը երկրում գործող պաշտոնական փոխարժեքի համեմատ ունեցել է 5-6 տոկոսի տարբերություն:

Ադրբեջանի փորձագիտական շրջանակների կանխատեսումների համաձայն` Ադրբեջանում դոլարային իրարանցումը մինչեւ տարեվերջ կշարունակվի:

Կապված ադրբեջանական նավթի էժանացման հետ` անկում է ապրում նաև Ադրբեջանի ազգային արժույթը` մանաթը, քանի որ այդ երկրում գործում է լողացող փոխարժեքի քաղաքականությունը, ինչը հարմարեցվում է նավթի գներին: