Ժամանակը Երևանում՝ 11:07:36,   30 Հունիս 2022

Երևանում ԱՄԷ դեսպանությունը մարդասիրական օգնություն է տրամադրել Խարբերդի մասնագիտացված մանկատան սաներին

Երևանում ԱՄԷ դեսպանությունը մարդասիրական օգնություն է տրամադրել Խարբերդի մասնագիտացված մանկատան սաներին

ԵՐԵՎԱՆ, 24 ՍԵՊՏԵՄԲԵՐԻ, ԱՐՄԵՆՊՐԵՍ։ Երևանում Արաբական Միացյալ Էմիրությունների դեսպանությունը հումանիտար նախաձեռնությունների շրջանակում և Էմիրությունների Կարմիր մահիկի հովանու ներքո դպրոցական պայուսակներ ու գրենական պիտույքներ է տրամադրել Խարբերդի մասնագիտացված մանկատան սահմանափակ կարողություններ ունեցող երեխաներին։

Ինչպես «Արմենպրես»-ին տեղեկացրին դեսպանությունից, այցի ընթացքում դեսպանության գործերի հավատարմատար Ահլամ Ռաշիդ Ալ-Սալամին հանդիպել է կենտրոնի տնօրեն Հարություն Բալասանյանի հետ, ով իր շնորհակալությունն ու երախտագիտությունն է հայտնել նախաձեռնության համար՝ բարձր գնահատելով ԱՄԷ-ի հանձնառությունը սահմանափակ կարողություններով մարդկանց դերը բարձրացնելու և հասարակության մեջ նրանց ինտեգրելու հարցում։

Իր հերթին տիկին Ալ-Սալամին հայտարարել է, որ ԱՄԷ կառավարությունը հավատարիմ է աջակցելու բազմաթիվ նախաձեռնությունների, ծրագրերի և ռազմավարությունների անցկացմանը, որոնց նպատակն է բարձրացնել սահմանափակ կարողություններով անձանց ձգտումները։ Նա նաև ընդգծել է, որ նմանատիպ մարդկանց դերի բարձրացումն ԱՄԷ ազգային զարգացման օրակարգի առաջնահերթություններից է, որի շրջանակներում Էմիրությունների կառավարությունն օժանդակում է նրանց համապատասխան կրթություն և առողջապահական ծառայություն ստանալու, ինչպես նաև աշխատանքային գործունեություն ծավալելու հարցերում: Տիկին ալ Սալամին անդրադարձել է աշխարհի տարբեր կողմերում հասարակության խոցելի խմբերին աջակցելու ԱՄԷ ջանքերին:

ԱՐՄԵՆՊՐԵՍ գործակալությունը պատասխանատվություն չի կրում այս բաժնում և ժապավենում տեղ գտած մամուլի հաղորդագրությունների բովանդակության համար։ Բաժնի նյութերի բովանդակության համար պատասխանատվությունը կրում է բացառապես մամուլի հաղորդագրության հեղինակը։ ԱՐՄԵՆՊՐԵՍԸ չի կարող համարվել պատասխանատու այս բաժնում հրապարակված հաղորդագրությունների հեղինակների կողմից ներկայացված տեղեկատվության անճշտությունների / սխալների համար։
ԱՐՄԵՆՊՐԵՍՆ իրեն իրավունք է վերապահում չհրապարակել այն հաղորդագրությունները, որոնք պարունակում եմ այլոց նկատմամբ վիրավորական արտահայտություններ, կամ մեղադրանքներ, կամ մտքեր, որոնք խախտում են Հայաստանի Հանրապետության Սահմանադրությամբ սահմանված այլոց իրավունքները։








youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]