Երևանում՝ 11:07,   28 Մայիս 2024

Միշտ կհիշեմ այն առատաձեռն օգնությունը, որն ուղարկեց Հայաստանի ժողովուրդը․ Քըլըչը շնորհակալություն է հայտնել հումանիտար օգնության համար

Միշտ կհիշեմ այն առատաձեռն օգնությունը, որն ուղարկեց Հայաստանի 
ժողովուրդը․ Քըլըչը շնորհակալություն է հայտնել հումանիտար օգնության համար

ԵՐԵՎԱՆ, 11 ՓԵՏՐՎԱՐԻ, ԱՐՄԵՆՊՐԵՍ։ Հայաստանի հետ հարաբերությունները կարգավորելու հարցով Թուրքիայի հատուկ ներկայացուցիչ Սերդար Քըլըչը շնորհակալություն է հայտնել Հայաստանից թուրքական աղետի գոտի ուղարկված հումանիտար օգնության համար։

«Արմենպրես»-ի փոխանցմամբ, այս մասին նա գրառում է կատարել «Թվիթեր»-ի իր էջում՝ մասնավորապես շնորհակալական խոսքն ուղղելով Հայաստանի փոխարտգործնախարար Վահան Կոստանյանին ու հայ-թուրքական հարաբերությունների կարգավորման հարցով ՀՀ հատուկ ներկայացուցիչ Ռուբեն Ռուբինյանին։

«Շնորհակալ եմ, հարգելի Վահան Կոստանյան և Ռուբեն Ռուբինյան, ձեր ջանքերի համար, որոնց շնորհիվ այս ամենը հնարավոր դարձավ։ Ես մշտապես կհիշեմ այն առատաձեռն օգնությունը, որը Հայաստանի ժողովուրդն ուղարկեց՝ օգնելու թեթևացնել Թուրքիայի երկրաշարժից տուժած գոտիներում գտնվող մարդկանց տառապանքը»,- գրել է Քըլըչը։

Նա նշել է, որ ի հավելումն փրկարարների ու տեխնիկական աջակցության, Հայաստանը 5 բեռնատարների միջոցով 100 տոննա ուտելիք, ջուր, դեղամթերք ու առաջին անհրաժեշտության այլ պարագաներ է ուղարկել։

Հիշեցնենք, որ հումանիտար օգնությունն ուղարկվել է հայ-թուրքական ցամաքային սահմանով՝ Մարգարայի կամրջով։

Լուսանկարները՝ Արմենպրես պետական լրատվական գործակալության


Բաժանորդագրվեք մեր ալիքին Telegram-ում






youtube

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ contact@armenpress.am