Երևանում՝ 11:07,   28 Մայիս 2024

ՌԴ փոխարտգործնախարարները Թուրքիայի դեսպանի հետ քննարկել են Անդրկովկասում և Ուկրաինայում տիրող իրավիճակը

ՌԴ փոխարտգործնախարարները Թուրքիայի դեսպանի հետ քննարկել են 
Անդրկովկասում և Ուկրաինայում տիրող իրավիճակը

ԵՐԵՎԱՆ, 22 ՀՈՒՆՎԱՐԻ, ԱՐՄԵՆՊՐԵՍ։ Ռուսաստանի արտաքին գործերի փոխնախարար Միխայիլ Գալուզինը դեկտեմբերի 22-ին Մոսկվայում Թուրքիայի դեսպան Թանջու Բիլգիչի հետ հանդիպմանը քննարկել է Անդրկովկասում, Կենտրոնական Ասիայում և Ուկրաինայում առկա իրավիճակը,

«Արմենպրես»-ի հաղորդմամբ՝ այս մասին նշված է ՌԴ արտաքին գործերի նախարարության տարածած հաղորդագրության մեջ։

Հանդիպմանը մտքեր են փոխանակվել Անդրկովկասում, Կենտրոնական Ասիայում և Ուկրաինայում տիրող իրավիճակի շուրջ:

Ըստ ՌԴ ԱԳՆ հաղորդագրության՝ հաստատվել է ջանքերի հետագա համակարգման փոխադարձ հանձնառությունը՝ ի շահ խաղաղության և կայունության ամրապնդման, առաջին հերթին Հարավային Կովկասում։

Գերատեսչության տեղեկատվությամբ՝ նույն օրը Թուրքիայի դեսպանին ընդունել է Ռուսաստանի արտաքին գործերի նախարարության ղեկավարի տեղակալ Անդրեյ Ռուդենկոն։

Դիվանագետները մտքեր են փոխանակել փոխադարձ հետաքրքրություն ներկայացնող երկկողմ և տարածաշրջանային օրակարգերի շուրջ։

Ինչպես մանրամասնել են ՌԴ ԱԳՆ-ից՝ հաստատվել է աշխարհում անվտանգության և կայունության ամրապնդման նպատակով ջանքերի հետագա համակարգման փոխադարձ հանձնառությունը։

 


Բաժանորդագրվեք մեր ալիքին Telegram-ում






youtube

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ contact@armenpress.am