Իսպանիայի առանձին շրջաններում օդի ջերմաստիճանը հասնում Է 44-ի
ԵՐԵՎԱՆ, 29 ՀՈՒՆԻՍԻ, ԱՐՄԵՆՊՐԵՍ: Սաստիկ տապ Է հաստատվել Իսպանիայի գրեթե ամբողջ տարածքում. հունիսի 29-ին ջերմաչափերի սյուներն առանձին շրջաններում, ըստ կանխատեսումների, կհասնեն պլյուս 44 աստիճանի նշագծին, տեղեկացնում Է «Արմենպրես»-ը:
Իսպանիայի տասնութ մարզեր հայտարարել են վտանգավորության «նարնջագույն» (բարձր) մակարդակ: «Կարմիր» (խիստ բարձր) մակարդակ Է սահմանվել Կորդոբայում (Անդալուսիայի ինքնավար հանրակցություն, Իսպանիայի հարավ), որտեղ գյուղական շրջաններում ջերմաստիճանը կարող Է հասնել 44-ի, 42 աստիճան Է սպասվում Տոլեդոյում եւ Սեւիլիայում:
Տապի առավելագույն մակարդակը շրջանցել Է միայն հյուսիսային մարզերը, ինչպես նաեւ Միջերկրական ծովափի առանձին շրջաններ՝ Կաստելիոնան, Մուրսին, Մալագան:
Երկրի մեծ մասում ջերմաչափի սյուները տեղական ժամանակով ժամը 14:00-ից մինչեւ 20:00-ն ցույց են տալու 34-ից մինչեւ 44 աստիճան:
Մադրիդում, Խաենում (Անդալուսիա), Բադախոսայում (Էստրեմադուրա), Կասերեսում (Էստրեմադուրա), Սյուդադ Ռեալում (Կաստիլիա լա Մանչա) ջերմաստիճանը կհասնի 41-ի, Կուենկայում (Կաստիլիա լա Մանչա) եւ Գվադալահարայում (Կաստիլիա լա Մանչա)՝ 40 աստիճանի, հաղորդել Է ՌԻԱ Նովոստին:
Բաժանորդագրվեք մեր ալիքին Telegram-ում