«ՕՖՄԱ» անասնաբուծական ֆերմայի տարածքում բռնկված հրդեհը մարվել է
21:32, 30 Մարտ 2017
ԵՐԵՎԱՆ, 30 ՄԱՐՏԻ« ԱՐՄԵՆՊՐԵՍ: Մարտի 30-ին, ժամը 17:42-ին ահազանգ է ստացվել, որ հրդեհ է բռնկվել Լոռու մարզի Սպիտակ քաղաքի Պանրագործների թիվ 1 փողոցում գործող «ՕՖՄԱ» անասնաբուծական ֆերմայի տարածքում՝ այրվում են տնակներ: Ինչպես «Արմենպրես»-ին տեղեկացրին ՀՀ արտակարգ իրավիճակների նախարարությունից, դեպքի վայր է մեկնել երկու մարտական հաշվարկ:
Հրդեհը մեկուսացվել է ժամը 18:16-ին, մարվել՝ 19:17-ին:
Մասամբ այրվել է Պ. Վ.-ին պատկանող ոչ բնակելի տնակի հատակը՝ 2 քմ. և պատը՝ 2 քմ և կուտակված անասնակեր՝ մոտ 50 հակ:
Բաժանորդագրվեք մեր ալիքին Telegram-ում