Վալերի Բուայեն կոչ է անում Ֆրանսիային, ԵՄ-ին և ՅՈՒՆԵՍԿՕ-ին պաշտպանել Արցախի բնակչությանը և մշակութային ժառանգությունը
19:05, 1 Ապրիլ 2022
ԵՐԵՎԱՆ, 1 ԱՊՐԻԼԻ, ԱՐՄԵՆՊՐԵՍ: Ֆրանսիայի Սենատի «Հանրապետականներ» խմբակցության անդամ, Ֆրանսիա-Հայաստան բարեկամական խմբի փոխնախագահ Վալերի Բուայեն կոչ է անում Ֆրանսիայի Կառավարության, Եվրոպական Միությանը և ՅՈՒՆԵՍԿՕ-ին պաշտպանել Արցախի բնակչությանը և մշակութային ժառանգությունը: Ինչպես տեղեկացնում է «Արմենպրես»-ը, Վալերի Բուայեն այս մասին գրել է «Ֆեյսբուք»-ի իր էջում: Սենատորը նաև Դադիվանքի հոգևոր հովիվ Տեր Հովհաննես քահանա Հովհաննիսյանի հետ լուսանկար է հրապարակել:
«Մինչ միջազգային հանրությունը լիովին ներգրավված է Ուկրաինայում պատերազմի մեջ, ես ևս մեկ անգամ Խնդրում եմ կառավարությանը, Եվրոպական միությանը և ՅՈՒՆԵՍԿՕ-ին միջամտել և պաշտպանել հայ բնակչությանը և մշակութային ժառանգությունը»,- գրել է Վալերի Բուայեն:
Բաժանորդագրվեք մեր ալիքին Telegram-ում