Ժամանակը Երևանում՝ 11:07:36,   26 Հունիս 2022

ՀՀ-ի ու Վրաստանի առողջապահության նախարարները Ժնևում քննարկել են ոլորտի առաջնահերթությունները

ՀՀ-ի ու Վրաստանի առողջապահության նախարարները Ժնևում քննարկել են ոլորտի 
առաջնահերթությունները

ԵՐԵՎԱՆ, 23 ՄԱՅԻՍԻ, ԱՐՄԵՆՊՐԵՍ: Ժնևում անցկացվող Առողջապահության համաշխարհային 75-րդ ամենամյա վեհաժողովի շրջանակներում ՀՀ առողջապահության նախարար Անահիտ Ավանեսյանը հանդիպել է Վրաստանի գործընկերոջ` Զուրաբ Ազարաշվիլիի հետ: «Արմենպրես»-ի հաղորդմամբ՝ «Ֆեյսբուք» սոցիալական իր էջում այս մասին գրառում է կատարել նախարար Անահիտ Ավանեսյանը:

«Հանդիպման ընթացքում անդրադարձել ենք մեր երկրների առողջապահական համակարգերի առաջնահերթություններին, խոսել խնդիրներից, ներկայացրել նոր, համակարգային բարեփոխումների ծրագրերը»,-նշել է Անահիտ Ավանեսյանը:

ՀՀ առողջապահության նախարարն առաջարկել Վրաստանի գործընկերոջը փորձի փոխանակում իրականացնել դեղորայքային քաղաքականության ոլորտում: Զուրաբ Ազարաշվիլիին Անահիտ Ավանեսյանը հրավիրել է Հայաստան`Երևանում հոկտեմբերի 5-7-ին անցկացվող Արագ արձագանքման բժշկական թիմերի 5-րդ գլոբալ հանդիպմանը:








youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]