Ժամանակը Երևանում՝ 11:07:36,   18 Օգոստոս 2022

Նադալը Ուիմբլդոնի 1/8 եզրափակիչում է

Նադալը Ուիմբլդոնի 1/8 եզրափակիչում է

ԵՐԵՎԱՆ, 3 ՀՈՒԼԻՍԻ, ԱՐՄԵՆՊՐԵՍ: Իսպանացի թենիսիստ Ռաֆայել Նադալը Ուիմբլդոնի 1/8 եզրափակիչում է:

«Արմենպրես»-ի հաղորդմամբ՝ «Մեծ սաղավարտ»-ի տարվա հերթական մրցաշարի՝ Ուիմբլդոնի տղամարդկանց մենախաղի 3-րդ շրջանում Նադալի մրցակիցը Անգլիան ներկայացնող Լորենցո Սոնոգոնն էր: 1 ժամ 58 րոպե ձգված մրցախաղում իսպանացին առավելության հասավ երեք սեթերից հետո 6:1, 6:2, 6:4 հաշվով:

Ուիմբլդոնն անցկացվում է 1877 թվականից: Մրցաշարի մրցանակային ֆոնդն այս տարի կազմում է 50 միլիոն ֆունտ, որից հաղթողներին բաժին կհասնի 2 միլիոն ֆունտը:

Ուիմբլդոնի տղամարդկանց մենախաղում ամենաշատ հաղթանակ տոնել է շվեյցարացի Ռոջեր Ֆեդերերը (8 անգամ), իսկ կանանց մենախաղում` Մարտինա Նավրատիլովան (9 անգամ):

Ուիմբլդոնն անցկացվում է 5 ենթախմբով` տղամարդկանց մենախաղ, կանանց մենախաղ, տղամարդկանց զույգեր, կանանց զույգեր և խառը զույգեր:








youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]