ԵՐԵՎԱՆ, 11 ՕԳՈՍՏՈՍԻ, ԱՐՄԵՆՊՐԵՍ: Կրթության, գիտության, մշակույթի և Սպորտի նախարար Վահրամ Դումանյանը ոսկե մեդալներով պարգևատրեց 44-րդ Համաշխարհային Օլիմպիադայում արծաթե մեդալ նվաճած շախմատի տղամարդկանց հավաքականին: Վահրամ Դումանյանը շախմատիստներին հյուրընկալել էր նախարարությունում: 

«Արմենպրես»-ի հաղորդմամբ` նախարարը շնորհակալություն հայտնեց շախմատիստներին Հայաստանը պատվով ներկայացնելու և արծաթե մեդալը նվաճելու կապակցությամբ:

«Հպարտ եմ այս հաղթանակով և ուզում եմ վստահ լինեք, որ պատրաստ ենք ոլորտի զարգացման և առաջընթացի համար օգնել ինչով կկարողանանք: Մաղթում եմ ձեզ նորանոր նվաճումներ:  Շնորհակալ ենք բոլոր այն մարդկանց, ովքեր իրենց ներդրումն ունեն այս հաղթանակի մեջ»,- ասաց նախարարը:

Մանուէլ Պետրոսյան, Հրաչիկ Թավադյան, Կարեն Գիլոյան, Գաբրիել Սարգսյան, Վահրամ Դումանյան, Սմբատ Լպուտյան, Արման Փաշիկյան, Ռոբերտ Հովհաննիսյան, Սամվել Տեր-Սահակյան Կարեն Գիլոյան, Արման Փաշիկյան, Վահրամ Դումանյան Կարեն Գիլոյան, Ռոբերտ Հովհաննիսյան, Վահրամ Դումանյան Կարեն Գիլոյան, Վահրամ Դումանյան, Սամվել Տեր-Սահակյան Կարեն Գիլոյան, Մանուէլ Պետրոսյան, Վահրամ Դումանյան Գաբրիել Սարգսյան, Կարեն Գիլոյան, Վահրամ Դումանյան Սմբատ Լպուտյան, Արման Փաշիկյան, Ռոբերտ Հովհաննիսյան, Սամվել Տեր-Սահակյան Կարեն Գիլոյան, Վահրամ Դումանյան Մանուէլ Պետրոսյան, Գաբրիել Սարգսյան, Հրաչիկ Թավադյան Կարեն Գիլոյան, Հրաչիկ Թավադյան, Վահրամ Դումանյան

Լուսանկարները՝ Հայկ Բադալյանի

ՀՀ ԿԳՄՍ նախարարի տեղակալ Կարեն Գիլոյանի խոսքով՝ մրցաշարից առաջ համարում էին, որ լավ արդյունք կլիներ նույնիսկ լավագույն հնգյակում հայտնվելը. «Բայց տղաները ապացուցեցին, որ թիմում կարևոր չէ վառ աստղի առկայությունը։ Թիմը հաջողության է հասնում, երբ օրգանապես զգում են միմյանց: Վերջին տուրը ուղղակի ամենագեղեցիկ ու վառ ապացույցն էր, թե թիմը ինչպես պետք է խաղա. հենց տեսան Գաբրիել Սարգսյանը առավելություն ունի, բոլորը սկսեցին ոչ-ոքի խաղալ, քանի որ մեզ հաղթանակ էր պետք»,-ասաց Գիլոյանը:

Հայաստանի շախմատի տղամարդկանց թիմի գլխավոր մարզիչ  Արման Փաշիկյանը նշեց, որ թիմը միանշանակ շատ լավ է հանդես եկել: «Դժվարանում եմ նախկինում հիշել նման դեպք, որ, հավաքելով այսքան միավորներ, թիմը գրավի երկրորդ տեղը, քանի որ եղել են դեպքեր, երբ  ավելի քիչ միավորներով դարձել են Օլիմպիադայի չեմպիոն: Իսկ այս տարի, կարելի է ասել, մրցակցությունը շատ մեծ էր ու հիմնականում երեք թիմերի  մեջ էր»,- ասաց նա:

Նախարարի հետ հանդիպման ընթացքում տղաները պատմեցին խաղերի  ընթացքի, լարված պահերի, հետաքրքիր ու զավեշտալի դեպքերի մասին: