Նենեցական ինքնավար օկրուգում «Ան-2» ինքնաթիռ է կործանվել, 2 մարդ զոհվել է
19:12, 9 Հունվար 2023
ԵՐԵՎԱՆ, 9 ՀՈՒՆՎԱՐԻ, ԱՐՄԵՆՊՐԵՍ: Սառցապատման պատճառով Նենեցական ինքնավար օկրուգում «Ան-2» տիպի ինքնաթիռ է կործանվել: Երկու մարդ է զոհվել։
«Արմենպրես»-ի հաղորդմամբ՝ այս մասին ՏԱՍՍ-ին հայտնել են արտակարգ իրավիճակների ծառայություններից։
«Սառցապատման պատճառով «Ան-2» տիպի ինքնաթիռ է կործանվել Կարատայկա գյուղից 10 կմ հեռավորության վրա: Օդանավում եղել է 12 մարդ՝ անձնակազմի երկու անդամ և 10 ուղևոր: Նախնական տվյալներով՝ երկու զոհ կա»,- հայտնել են գործակալությանը:
Դեպքի վայրում են փրկարարները:
Բաժանորդագրվեք մեր ալիքին Telegram-ում