Երևանում՝ 11:07,   28 Փետրվար 2024

Վահրամ Դումանյանը և Թամարա Գվերդծիթելին կարևորել են կրթության և մշակույթի դերը համամարդկային արժեքների ամրապնդման մեջ

Վահրամ Դումանյանը և Թամարա Գվերդծիթելին կարևորել են կրթության և 
մշակույթի դերը համամարդկային արժեքների ամրապնդման մեջ

ԵՐԵՎԱՆ, 14 ԱՊՐԻԼԻ, ԱՐՄԵՆՊՐԵՍ: ՀՀ նախագահի խորհրդական, կրթության, գիտության, մշակույթի և սպորտի նախկին նախարար Վահրամ Դումանյանն ապրիլի 14-ին հանդիպել է հանրահայտ երգչուհի, Վրաստանի Հանրապետության և Ռուսաստանի Դաշնության ժողովրդական արտիստ Թամարա Գվերդծիթելիի հետ: «Արմենպրես»-ի հաղորդմամբ՝ այս մասին Դումանյանը տեղեկացրել է «Ֆեյսբուք»-ի իր էջում։

«Հանդիպմանը ներկա է եղել նաև Հայաստանում «Սանսեթ Բուլվար» մյուզիքլն իրականացրած «SKYFIST STUDIO» պրոդյուսերական ընկերության ղեկավար Պողոս Հարությունյանը:

Հանդիպման ընթացքում կարևորել եմ մեր տարածաշրջանում առաջին անգամ կյանքի կոչված նախաձեռնությունը և շնորհակալություն հայտնել մյուզիքլի գլխավոր դերակատար Թամարա Գվերդծիթելիին ու բոլոր կազմակերպիչներին:

Առանձնահատուկ ընդգծել եմ նաև կրթության ու մշակույթի դերը համամարդկային արժեքների ամրապնդման, աշխարհում համընդհանուր խաղաղության հասնելու գործում՝ այդ համատեքստում որպես անհրաժեշտություն դիտարկելով վերոնշյալ ոլորտներում համատեղ ծրագրերի և փոխգործակցության ընդլայնումն ու խորացումը:

Թամարա Գվերդծիթելին, ում երգացանկում առկա են նաև հայկական երգեր, համակարծիք է եղել հնչած դիրքորոշման հետ և հավաստել, որ իր հնարավորությունների սահմանում կնպաստի հետագա համագործակցության զարգացմանը»,- նշել է ՀՀ նախագահի խորհրդականը:

Նա հավելել է, որ հանդիպման ընթացքում անդրադարձել են նաև «Սանսեթ Բուլվար» մյուզիքլի նախապատրաստական աշխատանքներին, փորձերին և հաջողված բեմականացմանը: Թամարա Գվերդծիթելին ներկայացրել է իր առաջիկա ծրագրերը:

 


Բաժանորդագրվեք մեր ալիքին Telegram-ում






youtube

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]