Երևանում՝ 11:07,   23 Մայիս 2024

ՌԴ  նախագահական ընտրությունների քվեարկությունն այդ երկրի քաղաքացիները  Հայաստանում իրականացնում են հինգ ընտրատեղամասում

ՌԴ  նախագահական ընտրությունների քվեարկությունն այդ երկրի 
քաղաքացիները  Հայաստանում իրականացնում են հինգ ընտրատեղամասում

ԵՐԵՎԱՆ, 17 ՄԱՐՏԻ, ԱՐՄԵՆՊՐԵՍ։ Ռուսաստանի Դաշնության նախագահական ընտրությունների քվեարկությունը Հայաստանում տեղի է ունենում հինգ ընտրատեղամասերում, քվեարկության գործընթացը կազմակերպված է պատշաճ մակարդակով:

 «Արմենպրես»-ի հաղորդմամբ՝ այս մասին լրագրողների հետ զրույցում մարտի 17-ին ասել է ՀՀ-ում ՌԴ դեսպան Սերգեյ Կոպիրկինը, փոխանցում է «ՌԻԱ Նովոստի»-ն:

Նրա խոսքով՝  ընտրատեղամասեր են բացվել Երևանում՝ ՌԴ  դեսպանատանը, ավիաբազայում, Գյումրիում՝ ՌԴ գլխավոր հյուպատոսությունում և երկու տեղամաս՝ 102-րդ ռազմաբազայում:

Լուսանկարները` Գևորգ Պերկուպերկյանի, Հայկ Մանուկյանի

Ըստ դեսպանի՝ մարտի 11-ից 13-ը Սյունիքի մարզում տեղի է ունեցել վաղաժամ քվեարկություն, որին մասնակցել է 844 մարդ՝ սահմանապահներ և Ռուսաստանի Դաշնության այլ քաղաքացիներ։

Կոպիրկինն ուրախալի է համարել, որ վաղ առավոտից ՌԴ քաղաքացիներն ակտիվորեն մասնակցում են քվեարկությանը։

Կիրակի Երևանում և Գյումրիում ընտրատեղամասերը բացվել են տեղական ժամանակով ժամը 8:00-ին և կփակվեն 20:00-ին:

ՌԴ Դաշնային խորհուրդը նախագահական ընտրությունները նշանակել է 2024 թվականի մարտի 17-ին։ Պետության ղեկավարի պաշտոնին հավակնում են Ռուսաստանի Դաշնության Կենտրոնական ընտրական հանձնաժողովի կողմից գրանցված չորս թեկնածու՝ Լեոնիդ Սլուցկին, Նիկոլայ Խարիտոնովը, Վլադիսլավ Դավանկովը և Վլադիմիր Պուտինը։

 


Բաժանորդագրվեք մեր ալիքին Telegram-ում






youtube

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ contact@armenpress.am