სომხური ატომური ელექტროსადგურის ექსპლუატაციის ვადის გაორმაგების პროგრამა მომავალ წელს დაიწყება, 2024 წელს ამ მიზნით 20,2 მილიარდი დრამი გამოიყოფა.

„არმენპრესის“ ცნობით, ამის შესახებ 2024 წლის სახელმწიფო ბიუჯეტის კანონპროექტის წინასწარი განხილვისას პარლამენტის მუდმივმოქმედი კომიტეტების გაერთიანებულ სხდომაზე ტერიტორიული მართვისა და ინფრასტრუქტურის მინისტრმა გნელ სანოსიანმა განაცხადა.

მინისტრმა აღნიშნა, რომ ატომურ ელექტროსადგურთან ორი პროცესია დაკავშირებული.

„ატომური ელექტროსადგურის ექსპლუატაციის საპროექტო პერიოდის გაგრძელების გეგმა გვაქვს. ეს პროგრამა დაიწყო და უკვე რამდენიმე წელია გრძელდება. ამ პროგრამის ფარგლებში, მომავალ წელს იგეგმება 7 მილიარდი დრამის გამოყოფა ყველა სამუშაოების გასაგრძელებლად და დასასრულებლად. მომავალ წელს კი ვგეგმავთ ორმაგი გაფართოების პროგრამის დაწყებას, რომლის მიზანია 2036 წლამდე გავაგრძელოთ ჩვენი ატომური ელექტროსადგურის ექსპლუატაციის ვადა შესაბამისი ლიცენზიებით“, - განაცხადა სანოსიანმა და დასძინა, რომ მომავალ წელს ამ მიზნით 20,2 მილიარდი დრამია დაგეგმილი.

მოდერნიზაციის სამუშაოების შემდეგ სომხური ატომური ელექტროსადგურის ექსპლუატაციის ვადა 2026 წლამდე გაგრძელდა. სომხეთი ასევე გეგმავს ახალი ატომური ელექტროსადგურის აშენებას.