Ժամանակը Երևանում՝ 11:07:36,   1 Հուլիս 2022

ՀՀ-ում ԱՄԷ դեսպանության գործերի հավատարմատարն այցելել է «Եվրասիա» միջազգային համալսարան

ՀՀ-ում ԱՄԷ դեսպանության գործերի հավատարմատարն այցելել է «Եվրասիա» 
միջազգային համալսարան

ԵՐԵՎԱՆ, 23 ՀՈՒՆԻՍԻ, ԱՐՄԵՆՊՐԵՍ/ԳՈՐԾԸՆԿԵՐՆԵՐԻ ԼՈՒՐԵՐ: ՀՀ-ում ԱՄԷ դեսպանության գործերի հավատարմատար Ահլամ ալ Սալամին այցելել է «Եվրասիա» միջազգային համալսարան, որտեղ հանդիպում է ունեցել համալսարանի ռեկտոր պարոն Սուրեն  Օհանյանի հետ։ «Արմենպրես»-ին այս մասին հայտնեցին ՀՀ-ում ԱՄԷ դեսպանությունից:

Վերջինս հանդիպման ընթացքում նշել է, որ համալսարանը պատրաստ է ընդունել էմիրաթցի ուսանողներին՝ ուսանելու համալսարանի տարբեր բաժիններում, հատկապես ֆարմացիայի բաժնում։

Տիկին ալ Սալամին հանդիպում-քննարկում է անցկացրել «Եվրասիա» միջազգային համալսարանի ուսանողների հետ, որի ընթացքում անդրադարձել է արդի փուլում հայ-էմիրաթական հարաբերություններին, ինչպես նաև վերջին տարիներին երկկողմ հարաբերությունների ամենակարևոր ձեռքբերումներին՝ առանձնակի շեշտելով առևտրաշրջանառության ակտիվացումը, զբոսաշրջիկների թվի աճը, ներդրումային ծրագրերը, երկկողմ փոխայցելությունները։ Տիկին ալ Սալամին նշել է, որ դեսպանությունը նախատեսում է բարեգործական ծրագիր իրականացնել Շիրակի մարզի կանանց համար՝ աջակցելով նրանց ձեռք բերել մասնագիտություն։

Հանդիպման ընթացքում Արաբական Միացյալ Էմիրությունների Ազգային արխիվի հետազոտող դր․ Աիշա Բիլխեյրը տեսակապի միջոցով հանդես է եկել «Կնոջ առաջխաղացումն ԱՄԷ-ում» խորագրով դասախոսությամբ՝ ուսանողներին ներկայացնելով տարբեր ոլորտներում էմիրաթցի կնոջ ձեռքբերումները՝  սկսած դիվանագիտությունից մինչև ռազմական գործ։ Նա նաև ներկայացրել է ԱՄԷ հիմնադիր նախագահ շեյխ Զայեդի տեսլականը կնոջը կրթելու և նրա առաջխաղացմանը նպաստելու վերաբերյալ՝ նշելով ԱՄԷ կառավարության մեծ աջակցությունն էմիրաթցի կնոջը երկրի կառավարման մեջ ներգրավելու հարցում:

ՀՀ-ում ԱՄԷ դեսպանություն

 

 

  

ԱՐՄԵՆՊՐԵՍ գործակալությունը պատասխանատվություն չի կրում այս բաժնում և ժապավենում տեղ գտած մամուլի հաղորդագրությունների բովանդակության համար։ Բաժնի նյութերի բովանդակության համար պատասխանատվությունը կրում է բացառապես մամուլի հաղորդագրության հեղինակը։ ԱՐՄԵՆՊՐԵՍԸ չի կարող համարվել պատասխանատու այս բաժնում հրապարակված հաղորդագրությունների հեղինակների կողմից ներկայացված տեղեկատվության անճշտությունների / սխալների համար։
ԱՐՄԵՆՊՐԵՍՆ իրեն իրավունք է վերապահում չհրապարակել այն հաղորդագրությունները, որոնք պարունակում եմ այլոց նկատմամբ վիրավորական արտահայտություններ, կամ մեղադրանքներ, կամ մտքեր, որոնք խախտում են Հայաստանի Հանրապետության Սահմանադրությամբ սահմանված այլոց իրավունքները։








youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]