Լևոն Արոնյանը հաջող է մեկնարկել FTX Crypto Cup արագ շախմատի մրցաշարում
09:37, 16 Օգոստոս 2022
ԵՐԵՎԱՆ, 16 ՕԳՈՍՏՈՍԻ, ԱՐՄԵՆՊՐԵՍ: Հայաստանի շախմատի տղամարդկանց թիմի նախկին անդամ Լևոն Արոնյանը հաջող է մեկնարկել FTX Crypto Cup-ում:
«Արմենպրես»-ի հաղորդմամբ` արագ շախմատի մրցաշարում մեկնարկային տուրում Լևոն Արոնյանի մրցակիցը Վիետնամը ներկայացնող Լե Կուանգ Լիեմն էր: Արագ շախմատի 4 պարտիաներից երեքն ավարտվել են ոչ-ոքի` մեկում հաղթել է Արոնյանը:
Առաջին տուրում հաղթանակ է տոնել նաև աշխարհի գործող չեմպիոն Մագնուս Կարլսենը, ինչպես նաև Հնդկաստանի և Լեհաստանի ներկայացուցիչները:
Արագ շախմատի այս մրցաշարը բաղկացած է 7 տուրից, իսկ մրցանակային ֆոնդը կազմում է 210 հազար ԱՄՆ դոլար:
Բաժանորդագրվեք մեր ալիքին Telegram-ում