Արևելյան գործընկերության երկրներից առաջին անգամ Հայաստանում մեկնարկել է «Կանայք գործարարության մեջ» ծրագիրը
16:36, 23 Մարտ 2017
ԵՐԵՎԱՆ, 23 ՄԱՐՏԻ, ԱՐՄԵՆՊՐԵՍ: Հայաստանում մեկնարկել է «Կանայք գործարարության մեջ» ծրագիրը: Ինչպես հաղորդում է «Արմենպրես»-ը` վկայակոչելով ԵՄ պաշտոնական կայքը, Հայաստանն առաջինն է Արևելյան գործընկերության երկրների շարքում, որը մասնակցում է այդ ծրագրին:
Ծրագիրը կնպաստի կանանց ձեռներեցության զարգացմանն ու կաջակցի կանանց գլխավորած փոքր ու միջին ձեռնարկություններին:
Ծրագիրը թույլ կտա կանանց կողմից ղեկավարվող փոքր ու միջին ձեռնարկություններին ստանալ ֆինանսական և բիզնես խորհրդատվություն, առաջարկել ֆինանսավորում տեղական գործընկեր ֆինանսական ինստիտուտների միջոցով և ցուցաբերել տեխնիկական աջակցություն:
Դոնորների միջոցով «Կանայք գործարարության մեջ» ծրագրին տրամադրվել է շուրջ 62 մլն եվրո:
Բաժանորդագրվեք մեր ալիքին Telegram-ում