Microsoft-ը ցուցադրել Է Windows 10-ի նոր դիզայնը
16:33, 12 Մայիս 2017
ԵՐԵՎԱՆ, 12 ՄԱՅԻՍԻ, ԱՐՄԵՆՊՐԵՍ: Microsoft կորպորացիան Սիեթլում Build 2017 մշակողների խորհրդաժողովում ծանուցել Է Windows 10-ի հաջորդ խոշոր նորացումը: Նաեւ ներկայացվել Է համակարգի նոր դիզայնը: Այդ մասին, ինչպես տեղեկացնում Է «Արմենպրես»-ը, ասված Է մամուլի տեղեկագրում:
Նորացումն ստացել Է Fall Creators Update անվանումը եւ պատրաստ կլինի աշնանը: Գործառական համակարգի եւ համակարգային հավելվածների արտաքին տեսքը կփոփոխվի Fluent Design System կոչվող նոր հայեցակարգին համապատասխան: Դրա հիմքում ընկած են անցումների տարբեր Էֆեկտների օգտագործումը եւ նոր անիմացիաներ:
Դրա հետ մեկտեղ, ընկերությունը ներկայացրել Է մի քանի նոր ծրագրեր եւ ծառայություններ: Դրանցից մեկը Story Remix խմբագիրն Է, որն արհեստական ինտելեկտի հիման վրա տեսահոլովակներ Է ստեղծում օգտատիրոջ լուսանկարներից եւ տեսագրություններից: Նաեւ ներկայացվել Է Timeline ինտերֆեյսը, որը ցույց Է տալիս, թե ինչի վրա Է աշխատել օգտատերը եւ նրան վերադարձնում Է ավելի վաղ բացված ֆայլեր, ծրագրեր եւ կայքեր:
Introducing the Microsoft Fluent Design System! Draw the right focus to the right thing at the right time. #MSBuild pic.twitter.com/tzHRAb4Pm0
— Windows Developer (@windowsdev) 11 мая 2017 г.
Բաժանորդագրվեք մեր ալիքին Telegram-ում